Вяртанне квіткоў
Вяртанне ўваходнага квітка па ініцыятыве грамадзяніна альбо юрыдычнай асобы ажыццяўляецца не паздней чым за 1 каляндарны дзень да дня правядзення мерапрыемства (Кодэкс Рэспублікі Беларусь аб культуры: глава 22, артыкул 217, пункт 5). Пры гэтым грамадзяніну альбо юрыдычнай асобе, якія вярнулі квіток, кампенсуецца 75 працэнтаў кошту білетаў (Загад тэатра № 265, пункт 7).
Калі днём правядзення мерапрыемства з'яўляецца 10-е чысло месяца, то апошнім днём вяртання квітка будзе 8-е чысло месяца.
Для афармлення вяртання электронных квіткоў неабходна спампаваць і запоўніць заяву (бланк заявы размешчаны унізе старонкі), прыкласці чэк аб аплаце і раздрукаваны квіток.
Адправіць магчыма:
- на электронную пошту: kupalabilet@mail.ru
- па пошце: 220030, г. Мінск, вул. Энгельса, 7
- магчыма вярнуць квіткі ў касе тэатра па адрасе: г. Мінск, вул. Энгельса, 7а (таксама каса прымае квіткі на мерапрыемствы тэатра, набытыя за наяўныя грошы)
- квіткі, набытыя ў касах тэатра на мерапрыемствы іншых тэатраў вяртаюцца у касе арганізатара мерапрыемства.
-
Сэрвісны збор (альбо паслуга касы) і паслуга рэзервавання не падлягаюць вяртанню.
-
Вяртанне ўваходнага квітка ў выпадку адмены, змены загадзя абвешчаных часу (тэрмінаў) або месца правядзення мерапрыемства, замены яго іншым ажыццяўляе арганізатар.
- У выпадку адмены, замены, пераноса мерапрыемства квіткі прымаюцца да вяртання на працягу 7 (сямі) каляндарных дзён са дня мерапрыемства.